விழுப்புரத்தில் வடக்கு மண்டல ஐ. ஜி., தலைமையில் ஆலோசனை
விழுப்புரம் எஸ். பி. , அலுவலகம் வந்த வடக்கு மண்டல ஐ. ஜி. , அஸ்ரா கார்க், டி. ஐ. ஜி. , திஷாமித்தல் தலைமையில் , நேற்று இரவு 9: 15 மணிக்கு ஆலோசனை கூட்டம் நடந்தது. விழுப்புரம் எஸ். பி. , தீபக்சிவாச், கடலுார் எஸ். பி. , ராஜாராம், கள்ளக்குறிச்சி எஸ். பி. , ரஜத்சதுர்வேதி, விழுப்புரம் ஏ. டி. எஸ். பி. , க்கள் திருமால், தினகரன் மற்றும் டி. எஸ். பி. , க்கள் பங்கேற்றனர். த. வெ. க. , மாநாட்டிற்கான இடவசதிகள், பார்க்கிங் வசதிகள், போக்குவரத்து பாதிப்பு ஏற்படாத வகையில், கூட்டத்தை கண்காணித்தல், நெரிசல் ஏற்பட்டால், மாநாடு தொடங்கியதும் தேசிய நெடுஞ்சாலையில், விழுப்புரம், திண்டிவனத்தில் வாகனங்களை திருப்பி, மாற்று சாலையில் அனுப்புவது போன்றவை குறித்து ஆலோசனை நடத்தினர்.
