சிக்னல் கோளாறால் ரயில்கள் தாமதம் - பயணிகள் அவதி

ராணிப்பேட்டை மாவட்டம் அரக்கோணம் ரயில் நிலையத்தில் ஏற்பட்ட சிக்னல் கோளாறால், ஒரு மணி நேரத்துக்கும் மேலாக ரயில்கள் தாமதமாகியுள்ளன. சென்னை மார்க்கமாக செல்லக்கூடிய ரயில் தண்டவாள இணைப்பில் ஏற்பட்ட கோளாறு காரணமாக சிக்னல் பழுதடைந்துள்ளது. ரயில் நிலைய மேலாளர் அலுவலகத்தை பயணிகள் முற்றுகையிட்டு வாக்குவாதத்தில் ஈடுபட்டதால் பரபரப்பு நிலவுகிறது. சிக்னல் கோளாறை சரிசெய்யும் பணிகள் நடைபெற்று வருவதாக தகவல் வெளியாகியுள்ளது.