திருவாரூர்: பிரான்ஸ் நாட்டுக்கு செல்லும் ஆசிரியருக்கு மாவட்ட ஆட்சியர் வாழ்த்து

தமிழக அரசு கடந்த 2023ம் ஆண்டு தமிழகம் முழுவதும் 397 பேருக்கு கனவு ஆசிரியர் என்ற விருதை வழங்கி கவுரவித்தது. இதற்காக மூன்று கட்டங்களாக தேர்வுகள் நடத்தப்பட்டு அதிலிருந்து கனவு ஆசிரியர்கள் தேர்தெடுக்கப்பட்டனர். இந்தத்தேர்வில் 90 சதவீதத்துக்கு மேல் மதிப்பெண் பெற்ற 54 பேர் இன்று(அக்.23) பிரான்ஸ் நாட்டுக்கு கல்விச்சுற்றுலாவுக்காக புறப்பட்டு சென்றனர். இதில் திருவாரூர் மாவட்டத்தில் இருந்து மு.அன்பழகன் என்ற ஆசிரியரும் பிரான்ஸ் செல்கிறார். தியானபுரம் ஊராட்சி ஒன்றிய பள்ளியில் பணியாற்றும் இவருக்கு பிரான்ஸ் செல்வதற்கு முன் மாவட்ட ஆட்சியர் அலுவலகத்தில் பாராட்டு விழா நடைபெற்றது. மாவட்ட ஆட்சியர் சாருஸ்ரீ அவருக்கு வாழ்த்து கூறி வழியனுப்பி வைத்தார்.