விபத்தில்லா தீபாவளி கொண்டாட தீயணைப்பு துறை விழிப்புணர்வு

சேலம் தீயணைப்புத்துறை சார்பில் விபத்தில்லா தீபாவளியை பொதுமக்கள் கொண்டாடும் வகையில் தீயணைப்பு துறை அலுவலர்கள் விழிப்புணர்வு துண்டு பிரசுரங்களை பொதுமக்களுக்கு விநியோகித்து விழிப்புணர்வை ஏற்படுத்தினர். தீபாவளிக்கு இன்னும் சில தினங்களே உள்ள நிலையில் பொதுமக்கள் புத்தாடை மற்றும் பட்டாசு வாங்குவதில் ஆர்வம் காட்டி வருகின்றனர். இந்த நிலையில் சேலம் தீயணைப்பு நிலையம் சார்பாக மாவட்ட தீயணைப்பு துறை உதவி அலுவலர் சிவக்குமார் தலைமையில் சேலம் செவ்வாய்பேட்டை பகுதியில் விபத்தில்லா தீபாவளி கொண்டாட வேண்டுமென ஆட்டோ ஓட்டுநர்கள் மற்றும் பொதுமக்களுக்கு துண்டு பிரசுரங்களை விநியோகம் செய்தனர். செவ்வாய்பேட்டை பகுதியில்உள்ள வணிக நிறுவனங்கள் மற்றும் பொதுமக்கள், வாகன ஓட்டிகள் ஆகியோருக்கு துண்டு பிரசுரங்களை வழங்கினர். மேலும் பட்டாசு வெடிக்கும் போது கடைபிடிக்க வேண்டிய பாதுகாப்பு வழிமுறைகள் மற்றும் விபத்து இல்லாமல் எப்படி தீபாவளி கொண்டாட வேண்டுமென அறிவுரைகளையும் வழங்கினார்கள்.