அரசு பள்ளியில் 232 மாணவர்களுக்கு விலையில்லா சைக்கிள்

சேலம் மாவட்டம் நங்கவள்ளி அருகே வனவாசி அரசு ஆண்கள் மேல்நிலைப்பள்ளியில் மாணவர்களுக்கு விலையில்லா சைக்கிள் வழங்கும் நிகழ்ச்சி நடைபெற்றது. நங்கவள்ளி ஒன்றிய தி.மு.க. செயலாளர் அர்த்தனாரி ஈஸ்வரன் கலந்து கொண்டு 232 மாணவர்களுக்கு இலவச சைக்கிள்களை வழங்கினார்.

இந்த நிகழ்ச்சியில், வனவாசி பேரூர் செயலாளர் சுகுமார், பள்ளி பெற்றோர் ஆசிரியர் கழக தலைவர் சம்பத், பள்ளி தலைமை ஆசிரியர் வாசுதேவன், மாவட்ட விளையாட்டு மேம்பாட்டு அணி அமைப்பாளர் செந்தில்குமார், சாணாரப்பட்டி கோபால், நங்கவள்ளி பிரபு, மாவட்ட தகவல் தொழில்நுட்ப அணி துணை ஒருங்கிணைப்பாளர் தினேஷ் சூரியா, கோல்ட் குமார் மற்றும் ஆசிரியர்கள் உள்பட பலர் கலந்து கொண்டனர்.