வீரகனூர்ஆசிரியர்நீக்கம் செய்ததைகண்டித்து மாணவர்கள்சாலைமறியல்

சேலம் மாவட்டம், தலைவாசல் அருகே உள்ள கிழக்கு ராஜாபாளையம் பகுதியில் அரசு உயர்நிலைப்பள்ளி உள்ளது. 90-க்கும் மேற்பட்ட மாணவ மாணவிகள் கல்வி பயின்று வரும் நிலையில் கணித ஆசிரியர் ஜெயப்பிரகாஷ் மாணவர்களை கால் அழுத்த சொல்லி ஓய்வெடுக்கும் வீடியோ சமூக வலைதளங்களில் வைரலானது. இதைத்தொடர்ந்து அவரை பணியிடை நீக்கம் செய்து சேலம் மாவட்ட முதன்மை கல்வி அலுவலர் கபீர் உத்தரவிட்டார்.

ஆசிரியர் மீது எந்த தவறும் இல்லை எனவும், பணியிடை நீக்க உத்தரவை திரும்ப பெறக் கோரியும் கிழக்கு ராஜாபாளையம் பேருந்து நிறுத்தம் பகுதியில் மாணவர்கள் சாலை மறியலில் ஈடுபட்டு வருகின்றனர். மேலும் அவ்வழியாக வந்த அரசு பேருந்தையும் சிறை பிடித்து ஆசிரியருக்கு ஆதரவாக முழக்கங்களை எழுப்பி விடுகின்றனர்