பந்தலுார்: திடீரென மைதானத்தில் புகுந்த யானை!

பந்தலுார் அருகே நெல்லிக்கோட்டை, அரசு உயர்நிலைப்பள்ளி அருகே பள்ளி நேரம் முடிந்ததும் இளைஞர்கள் நேற்று அங்கு இருந்த மைதானத்தில் கால்பந்து விளையாடிக் கொண்டிருந்தனர். அப்போது, திடீரென மைதானத்திற்குள் காட்டு யானை திடீரென ஓடி வந்தது. விளையாடிக் கொண்டிருந்த இளைஞர்கள் யானை வருவதைப் பார்த்ததும், அங்கிருந்து ஓடி உயிர் தப்பினர். நெல்லிக்கோட்டை சுற்றுவட்டாரப் பகுதிகளில் இந்த யானை அடிக்கடி உலாவருவதுடன், கடந்த வாரம் ஒரு காரைத் தாக்கிச் சேதப்படுத்தியது. எனவே, இந்த யானையை அடர்த்தியான வனப்பகுதிகள் விரட்ட வனத்துறை நடவடிக்கை எடுக்க வேண்டும் என பொதுமக்கள் கோரிக்கை வைத்துள்ளனர்.