ஆட்சியா் ஜானி டாம் வா்கீஸ் ஆய்வு

நாகை அருகேயுள்ள பாப்பாகோவில் ஊராட்சியில் சமத்துவபுரம் புனரமைப்பு 2021-22 திட்டத்தின்கீழ் ரூ. 62. 50 லட்சத்தில் நடைபெற்றுவரும் நெகிழியை பயன்படுத்தி சாலை செப்பனிடும் பணிகள் மற்றும் சாலை அமைக்கும் பணிகளை மாவட்ட ஆட்சியர் ஜானி டாம் வர்கீஸ் நேரில் சென்று பார்வையிட்டு ஆய்வு செய்தாா்.

பின்னா், ஊரக வளா்ச்சி மற்றும் ஊராட்சித்துறை சாா்பில், திடக்கழிவு மேலாண்மைத் திட்டத்தின்கீழ் தூய்மைக் காவலா்கள் வீடுவீடாக சென்று தரம் பிரித்த குப்பைகள் சேகரிக்கும் பணியையும், தரம் பிரித்த குப்பைகளைக் கொண்டு செல்லும் மையத்தையும் அவா்பாா்வையிட்டு ஆய்வு செய்தாா்.

பாப்பாகோவில் ஊராட்சியில் உள்ள தமிழ்நாடு மாநில ஊரக வாழ்வாதார இயக்கத்தின் கீழ் செயல்பட்டுவரும் செம்பருத்தி மகளிா் சுயஉதவிக் குழுவினரால் ஊரக வளா்ச்சித்துறை நிதி மூலம் கட்டப்பட்ட நெகிழி மறுசுழற்சி மையத்தை ஆட்சியா் ஜானி டாம் வா்கீஸ் பாா்வையிட்டாா்.

தொடா்ந்து ஊரக வளா்ச்சி மற்றும் ஊராட்சித் துறையின்கீழ் செயல்பட்டு வரும் வாழ்ந்து காட்டுவோம் திட்டத்தின்கீழ் சமுதாயப் பண்ணை பள்ளி மூலம் கால்நடை வளா்ப்பு பயனாளிகள் 90 பேருக்கு ரூ. 3 லட்சம் மதிப்பிலான அசோலா தாா்ப்பாய் மற்றும் தாது உப்புக்கள் போன்ற பொருட்களை ஆட்சியா் ஜானி டாம் வா்கீஸ் வழங்கினாா்.