மேலூர்: மாட்டு வண்டி பந்தயத்தை கண்டு களித்த மக்கள்

மதுரை மாவட்டம், மேலூர் வெள்ளரிப்பட்டி போஸ் ரோகினி இவர்களின் நினைவாக 6 -ம் ஆண்டு மாட்டு வண்டி பந்தயம் முசுண்டகிரிப்பட்டி முதல் ஆமூர் விலக்கு வரை இன்று (நவ. 9) நடைபெற்றது. பெரிய மாட்டில் 9 வண்டிகள் கலந்து கொண்டன.

மாட்டு வண்டி பந்தயத்தை அதிமுக மேலூர் வடக்கு ஒன்றிய செயலாளர் வழக்கறிஞர் பொன் ராஜேந்திரன் கொடியசைத்து தொடங்கி வைத்தார். சிங்கம்புணரி சேவுகமூர்த்தி, வெள்ளரிப்பட்டி சமர்வித் ரெங்க போஸ் முதல்பரிசும், திருப்பன் திருத்தி ஆனந்த் அய்யனார் அம்மன்பேட்டை மங்கான் செல்வம் 2ம் பரிசும், கல்லானை விஷ்வா ரவிசந்திரன் 3ம் பரிசும், வெள்ளரிப்பட்டி அழகு கருப்புசாமி 4ம் பரிசும் பெற்றனர்.

சிறிய மாட்டில் 20 ஜோடிகள் கலந்து கொண்டன. தூத்துக்குடி மாவட்டம், பூசனூர் சண்முக சாமி, பிரத்ரிஷா முதல் பரிசும், தூத்துக்குடி மாவட்டம் வானமலை பெருமாள், கயத்தார் எஸ்பி ஹோட்டல் 2ம் பரிசும், சொக்கலிங்கம் புதூர் சக்தி, தேனி யானைமலை பட்டி ரஞ்சித் 3ம் பரிசும், மதகுபட்டி கல்யாண சாமி செல்வம் கூடலூர் தவம் பிரதர்ஸ் 4ம் பரிசும் பெற்றனர்.

பூஞ்சிட்டு மாட்டில் 33 மாட்டு வண்டிகள் கலந்து கொண்டன. முதல் சுற்றில் 17 மாட்டு வண்டிகள் முதல் பரிசு மலம்பட்டி காயத்திரி ஸ்டோர், 2ம் பரிசு எட்டி மங்கலம் ஊராட்சி மன்ற தலைவர் பங்கஜம் 3ம்பரிசு சத்திரப்பட்டி முத்துகிருஷ்ணன், 4ம் பரிசு கல்லணை விஷ்வா ரவிச்சந்திரன் ஆகியோர் வெற்றி பெற்றனர்.