மதுராந்தகத்தில் சிஐடியினர் சாலை மறியல் போராட்டம்
காஞ்சிபுரம் மாவட்டம் சுங்குவார்சத்திரத்தில் இயங்கும் சாம்சங் நிறுவனத்தில் ஊதிய உயர்வு, தொழிற்சங்க அங்கீகாரம், 8 மணி நேர வேலை உள்ளிட்ட கோரிக்கைகளை வலியுறுத்தி தொழிலாளர்கள் கடந்த 22 நாட்களுக்கு மேலாக போராட்டத்தில் ஈடுபட்டு வருகின்றனர். இந்நிலையில் சாம்சங் நிறுவனத்தில் வேலை நிறுத்தம் விவகாரத்தில் தமிழக அரசு தலையிட வலியுறுத்தி சி.ஐ.டி.யு சங்கம் சார்பாக அனைத்து மாவட்டங்களிலும் மறியல் போராட்டத்தில் ஈடுபட்டு வருகின்றனர். இந்த நிலையில், செங்கல்பட்டு மாவட்டம் மதுராந்தகம் ஜி.எஸ்.டி சாலையில் சி.ஐ.டி.யு சங்கத்தை சார்ந்த நூற்றுக்கு மேற்பட்டோர் சாலை மறியல் போராட்டத்தில் ஈடுபட்டனர். பின்னர் சாலை மறியல் போராட்டத்தில் ஈடுபட்டவர்களை போலீசார் கைது செய்து தனியார் திருமண மண்டபத்தில் வைத்துள்ளனர்.
