திருப்பூரில் தவெக கட்சிக்கொடிகள், துண்டுகள் தயாரிப்பு அதிகரிப்பு

தமிழக வெற்றிக் கழகத்தை தொடங்கியுள்ள விஜய், மாவட்டம் வாரியாக சென்று நிர்வாகிகளை சந்திக்க உள்ளார். இதற்காக அந்தந்த மாவட்ட நிர்வாகிகள் இப்போதே அதற்கான பணிகளில் ஈடுபட்டுள்ளனர். அவ்வாறு விஜய் பங்கேற்கும் நிகழ்ச்சியில் அவரை வரவேற்கும் வகையில் கட்சிக்கொடிகள், பேட்ஜ்கள் தயாரிக்க உற்பத்தியாளர்களிடம் ஆர்டர் கொடுக்க தொடங்கியுள்ளனர். கார் முன் கட்டும் கொடி ரூ.100 முதல் ரூ.500 வரை விற்பனை செய்யப்படுகிறது. கொடிக்கம்பத்தில் ஏற்றவும், கைகளில் பிடித்து செல்வதற்கான கொடிகள் ஆர்டர் அதிகம் வருகிறது.