கடற்கரை - தாம்பரம் இடையே இன்று மின்சார ரயில் சேவை ரத்து

சென்னை கோட்டத்துக்கு உட்பட்ட பகுதிகளில் ரயில் நிலையங்கள் மற்றும் தண்டவாளம் பராமரிப்பு பணிகள் காரணமாக அவ்வப்போது மின்சார ரயில் சேவைகள் ரத்து செய்யப்படுகின்றன. அந்த வகையில், தாம்பரம் பணிமனையில் பராமரிப்பு பணிகள் நடைபெற இருப்பதால் கடற்கரை - தாம்பரம் இடையே இன்று (நவ. 17) காலை 7 மணி முதல் மாலை 5 மணி வரை மின்சார ரயில் சேவை ரத்து செய்யப்படுகிறது. மாலை 5 மணிக்கு பின்னர் ஞாயிறு கால அட்டவணையின்படி ரயில்கள் இயங்கும்.