விருத்தாசலம்: மணல் கடத்தியவர் கைது

கடலூர் மாவட்டம் விருத்தாசலம் அடுத்த கருவேப்பிலங்குறிச்சி போலீஸ் சப்-இன்ஸ்பெக்டர் சிவராமன் தலைமையிலான காவல்துறையினர் நேற்று (நவம்பர் 15)  கணபதிகுறிச்சி பகுதியில் தீவிர ரோந்து பணியில் ஈடுபட்டுக்கொண்டிருந்தனர். அப்போது அவ்வழியே வேகமாக வந்த டிராக்டரை மறித்தனர். அப்போது மோசட்டை கிராமத்தைச் சேர்ந்த டிரைவர் செல்வகுமார் வாகனத்தை அங்கே நிறுத்திவிட்டு தப்பிஓடிவிட்டார். 

பின்னர் டிராக்டர் டிப்பரை காவல்துறையினர் சோதனை செய்தபோது மணல் கடத்திவந்தது தெரியவந்தது. இதையடுத்து டிராக்டர் உரிமையாளரான அதே பகுதியைச் சேர்ந்த பரமசிவம் மகன் செல்வசுப்பிரமணியென்பவரை கைது செய்த காவல்துறையினர் மணலுடன் டிராக்டர் டிப்பரை பறிமுதல் செய்தனர். மேலும் தப்பிஓடிய டிராக்டர் டிரைவரையும் வலைவீசி தேடிவருகின்றனர்.