సాలూరు: మద్యం సీసాలు తరలిస్తున్న వ్యక్తి అరెస్టు

సాలూరు నియోజకవర్గంలోని మెంటాడ మండలం ఉద్దంగి రోడ్డులో ద్విచక్ర వాహనం పై గురువారం అక్రమంగా మద్యం తరలిస్తున్నారన్న ముందస్తు సమాచారంతో మెండాడ ఎస్ఐ సీతారాం, ఎఎస్ఐ రమణ దారి కాచి ఓ వ్యక్తిని అదుపులోకి తీసుకుని అతని నుంచి 45 మద్యం సీసాలను స్వాధీనం చేసుకున్నారు. వాహనాన్ని సీజ్ చేసి కేసు నమోదు చేశామని తెలిపారు. ఎవరైనా అక్రమ మద్యం రవాణా చేస్తే చర్యలు తీసుకుంటామని హెచ్చరించారు.