రేపు బొబ్బిలిలో మాతృభాషా దినోత్సవం

వ్యవహారిక భాషా పితామహుడు శ్రీ గిడుగు రామమూర్తి పంతులు జన్మదినోత్సవం సందర్బంగా బొబ్బిలి శ్రీకళాభారతి లో సాయంత్రం 5 గంటలకు మాతృభాషా దినోత్సవం నిర్వహిస్తున్నట్లు ప్రముఖ కవి, రచయిత, కళాకారుడు, తెలుగు వెలుగు సాహితీ వేదిక రాష్ట్ర అధ్యక్షుడు అయిన మీసాల చినగౌరినాయుడు ఒక ప్రకటనలో తెలిపారు.
ఈ కార్యక్రమానికి ముఖ్య అతిధిగా సాలూరుకు చెందిన ప్రముఖ కవి, రచయిత, సమీక్షకులు, బహు గ్రంధకర్త అయిన శ్రీ కీలపర్తి దాలినాయుడు హాజరై, తెలుగు భాష వైభవం, ఔన్నత్యం గురించి ఉపన్యాసిస్తారని, మరియు బొబ్బిలికి చెందిన ప్రముఖ కవి, రచయిత శ్రీ లంక వెంకటస్వామి గారు కూడా హాజరు కాగలరని తెలిపారు.
ఈ కార్యక్రమానికి సాహితీ అభిమానులు, కవులు, రచయితలు హాజరు కాగలరని అధ్యక్షులు చినగౌరినాయుడు తెలిపారు.