బొబ్బిలి: పశువుల పెంపకదారులకు నోటీసులు అందజేయండి

బొబ్బిలి పట్టణంలోని పలు వార్డుల్లో మున్సిపల్ కమిషనర్ ఎల్. రామలక్ష్మి గురువారం పర్యటించారు. ఈ సందర్భంగా సిబ్బందికి పలు సూచనలు అందజేశారు. జుబ్లీ రహదారిలో పశువుల పెంపకదారులు రోడ్డుపై విచ్చలవిడిగా పశువులను విడిచిపెట్టడం వలన వాహనదారులు ఇబ్బందులు పడుతున్నారని, ప్రజల నుంచి వచ్చిన ఫిర్యాదుల నేపథ్యంలో పెంపకదారులకు నోటీసులు అందజేశామని కమిషనర్ తెలిపారు. జుబ్లీ రోడ్లో నిర్మాణ దశలో ఉన్న భవనాలను పరిశీలించారు.