ఎల్. ఎన్. పేట: మిల్లుపై నుంచి ప్రమాదవశాత్తు జారి పడి వ్యక్తి మృతి

ఎల్. ఎన్. పేట మండలం పెద్దకొల్లివలస సమీపంలోని దమయంతి మోడ్రన్ రైస్ మిల్లు పై నుంచి జారిపడి సాహుకారి వెంకటరమణ అనే వ్యక్తి మృతి చెందాడు. పోలీసులు తెలిపిన వివరాల ప్రకారం. మిల్లుకు సోలార్ ప్లేట్లు వేసేందుకు కొలతలు వేస్తుండగా సిమెంట్ రేకులు పగిలి వెంకటరమణ కిందకు జారిపడి మృతి చెందినట్లు చెప్పారు. మరో వ్యక్తి నాయుడుకు స్వల్ప గాయాలయ్యాయి. సరుబుజ్జిలి ఇన్ ఛార్జ్ ఎస్ఐ రాజేష్ వివరాలు సేకరిస్తున్నారు.