సోంపేట: 10 తులాల బంగారం, రెండు లక్షల నగదు చోరీ సొత్తు స్వాధీనం
సోంపేట, మందస పోలీసుస్టేషన్ పరిధిలో వివిధ దొంగతనాలకు పాల్పడుతున్న నిందితుడిని పోలీసులు అరెస్టు చేశారు. ఈ మేరకు సోంపేట పోలీస్ స్టేషన్ లో సీఐ మంగరాజు, ఎస్ఐ హైమావతి ఆదివారం సమావేశంలో వివరాలు వెల్లడించారు. జల్సాలకు అలవాటు పడి వివిధ దొంగతనాలకు పాల్పడుతున్న నిందితుడు కోలా కిరణ్ నుంచి పది తులాల బంగారం సుమారు రూ. 2 లక్షల ఐదు వేల విలువగల చోరీ సొత్తుని స్వాధీనం చేసుకున్నామని పేర్కొన్నారు.
