ఆమదాలవలస: ద్విచక్ర వాహనం అదుపుతప్పి హోంగార్డుకు తీవ్ర గాయాలు

ఆమదాలవలస మండలం జొన్నవలస వద్ద రోడ్డు ప్రమాదంలో టీ. రేవతి అనే హోంగార్డుకు తీవ్ర గాయాలు అయ్యాయని పోలీసులు తెలిపారు. సరుబుజ్జిలి మండలం పోలీస్ స్టేషన్లో శనివారం రాత్రి విధులు పూర్తి చేసుకుని తన స్కూటీపై వస్తుండగా జొన్నవలస సమీపంలో ప్రమాదం జరగడంతో తలకు బలమైన గాయాలు అయ్యాయి. 108లో శ్రీకాకుళంలో హాస్పిటల్ తరలించారు. కుటుంబ సభ్యులు ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్ఐ వెంకటేష్ తెలిపారు.