పుట్టపర్తి: కత్తితో కలెక్టరేట్‌కి వచ్చిన మహిళ
శ్రీ సత్యసాయి జిల్లాలోని పుట్టపర్తి కలెక్టరేట్‌లో ఓ మహిళ కత్తితో రావడం కలకలం రేపింది. భూ సమస్యపై ఫిర్యాదు చేయడానికి వచ్చిన ప్రేమలత అనే మహిళ, కలెక్టరేట్‌లో తనిఖీలు జరుగుతున్నప్పుడు తన వద్ద కత్తి ఉన్నట్లు బయటపడింది. ఆమె ఆత్మరక్షణ కోసం కత్తిని తీసుకువచ్చానని తెలిపింది. బొంతలపల్లి గ్రామానికి చెందిన ఆమెను పోలీసులు గుర్తించి, కత్తిని స్వాధీనం చేసుకుని కలెక్టరేట్లోకి అనుమతించారు.
