కావలి రైల్వే క్వార్టర్స్ లో భారీ దొంగతనం
నెల్లూరు జిల్లా కావలి పట్టణంలోని రైల్వే క్వార్టర్స్ లో చోరీ జరిగింది. రైల్వే గేట్ మెన్ గా పనిచేస్తున్న వెంకటరమణ రైల్వే క్వార్టర్స్ లో నివాసం ఉంటున్నాడు. బుధవారం ఆయన ఇంటి వరండాలో నిద్రిస్తుండగానే ఇంట్లో ఉన్న 72 గ్రాముల బంగారం, 40 గ్రాముల వెండి, రూ. 4000 నగదు దొంగతనం జరిగిందని బాధితుడు వాపోయాడు. దీనిపై కావలి పోలీసులకు గురువారం ఫిర్యాదు చేశాడు. కేసు నమోదు చేసుకుని పోలీసులు ఇంటిని పరిశీలించారు.
