సింగరాయకొండ: పేకాట స్థావరంపై పోలీసులు దాడులు

ప్రకాశం జిల్లా, సింగరాయకొండ మండలం సోమరాజు పల్లి గ్రామ సమీపంలో మంగళవారం అర్ధరాత్రి సమయంలో పేకాట స్థావరంపై పోలీసులు దాడులు నిర్వహించారు. పేకాట ఆడుతున్న 8 మందిని అదుపులోకి తీసుకోవడంతో పాటు రూ. 2,33,210 నగదును స్వాధీనం చేసుకున్నామని సింగరాయకొండ సిఐ హజరతయ్యా తెలిపారు. అలానే 8 ద్విచక్ర వాహనాలు, 14 సెల్ ఫోన్లు సీజ్ చేసినట్లు ఆయన వెల్లడించారు. పేకాట ఆడుతున్న వారిపై కేసు నమోదు చేశామని సీఐ తెలిపారు.