టంగుటూరు: మూసీ నదిలో పడి భార్య భర్తలు మృతి

ప్రకాశం జిల్లా టంగుటూరు మండలం కారుమంచి గ్రామంలో బుధవారం తీవ్ర విషాదం చోటుచేసుకుంది. గేదెలను మేపేందుకు వెళ్లి ప్రమాదవశాత్తు మూసినదిలో పడి భార్య భర్తలు ఇద్దరూ మృతి చెందారు. మృతులు గ్రామానికి చెందిన సుబ్బారెడ్డి, ఆదిలక్ష్మి గా స్థానికులు గుర్తించారు. జరిగిన సంఘటనపై సమాచారం అందుకున్న ఎస్సై నాగమల్లేశ్వరరావు సంఘటన స్థలానికి చేరుకొని దర్యాప్తు చేశారు. విచారణ అనంతరం పూర్తి వివరాలు వెల్లడిస్తామన్నారు.