ఎమ్మిగనూరు: సీఐ బదిలీ ఆపాలంటూ విద్యార్థుల రాస్తారోకో

ఎమ్మిగనూరు టౌన్ సీఐ సుదర్శన్ రెడ్డి బదిలీని ఆపాలంటూ విద్యార్థులు భారీ ఎత్తున నిరసన వ్యక్తం చేస్తూ ర్యాలీ నిర్వహించారు. సోమవారం ఎమ్మిగనూరు శివ సర్కిల్ లో విద్యార్థులు, ప్రజాసంఘాల ఆధ్వర్యంలో మానవహారం నిర్వహించి, మాట్లాడారు. నిజాయితీగా విధులు నిర్వహించి, పట్టణంలో అల్లరి మూకలను అణచివేసి శాంతి భద్రతలను కాపాడారన్నారు. ఆయనను మూడు నెలలకే బదిలీ చేయాల్సిన అవసరం ఏంటని విద్యార్థులు ప్రశ్నించారు.