రైతులు ఈకేవైసీ నమోదు చేసుకోవాలి

రైతులు తప్పకుండా ఈకేవైసీ నమోదు చేసుకోవాలని నంద్యాల జిల్లా వ్యవసాయ అధికారి మురళీకృష్ణ పేర్కొన్నారు. గురువారం మహానంది మండలం బొల్లవరం గ్రామంలో ఈ పంట నమోదు కార్యక్రమాన్ని తనిఖీ చేశారు. అనంతరం రైతులు వేసిన పంటలను, వ్యవసాయ శాఖ సిబ్బంది సక్రమంగా పంట నమోదు చేశారా లేదా అనే విషయంపై పంట పొలాలను సందర్శించారు. ఈ సందర్భంగా ఆయన మాట్లాడుతూ పంట నమోదు చేసుకున్న ప్రతి రైతు ఈకేవైసీ చేయించుకోవాలన్నారు.