వర్షపు నీటితో ఒక్కటైన పంట కాలువ, ప్రధాన రహదారి

పంట కాలువ, ప్రధాన రహదారి వర్షపు నీటితో ఒక్కటైన సంఘటన పెడన నియోజకవర్గంలో చోటుచేసుకుంది. శనివారం తెల్లవారుజామున నుంచి ఎడతెరపి లేకుండా కురుస్తున్న వర్షానికి బంటుమిల్లి ప్రభుత్వ ఆసుపత్రి సమీపంలో వర్షపు నీటితో పంట బోది, ప్రధాన రహదారి ఒక్కటి కావడంతో ఆ ప్రాంతంలో ప్రయాణించే వాహన చోదకులు తీవ్ర ఇబ్బందులను ఎదుర్కొంటున్నారు.