ఉండ్రాజవరం: గుర్తుతెలియని వైరస్ తో కోళ్లు మృతి

ఉండ్రాజవరం మండలం వెలగదుర్రులో గత నాలుగు రోజులుగా గుర్తు తెలియని వైరస్ తో పెంపకం కోళ్లు పదుల సంఖ్యలో మృతి చెందాయి. గ్రామంలో ఉన్న కోళ్లు ఉన్నట్టుండి ఒక్కసారిగా గిలగిలా కొట్టుకుని పుంజు, పెట్ట, పిల్లలు సైతం కళ్లముందే విగత జీవులుగా మారుతున్నాయని గ్రామస్థులు శుక్రవారం వాపోయారు. మరో రెండు నెలల్లో సంక్రాంతి సమీపించడంతో చేతికి అంది వచ్చిన పుంజులు చనిపోవడంతో పెంపకం దారులు గగ్గోలు పెడుతున్నారు.