సింహాద్రిపురం: పిడుగుపాటుకు ఆవు, కోడె దూడల మృతి
సింహాద్రిపురం మండలం బి. చెర్లోపల్లిలో శుక్రవారం సాయంత్రం పిడుగు పడి ఆవు, కోడె దూడలు మృతి చెందాయి. గ్రామానికి చెందిన సతీశ్ కుమార్ రెడ్డి ఆవు, కోడెదూడలను పొలం వద్దకు తీసుకెళ్లి మేపుకుని ఇంటికి తిరిగి వస్తున్నారు. ఆ సమయంలో వర్షం కురిసి పిడుగు పడి అవి మృతి చెందినట్లు బాధితుడు తెలిపాడు. రూ. 2లక్షల మేర నష్టం జరిగిందని, ప్రభుత్వం బాధితుడికి నష్టపరిహారం అందించాలని గ్రామస్థులు కోరుతున్నారు.
