కాకినాడ: ఈవెంట్ డ్యాన్సర్ అనుమానాస్పద మృతి!
కాకినాడకు చెందిన ఈవెంట్ డ్యాన్సర్ విజయవాడ అజిత్‌సింగ్‌నగర్‌లో అనుమానస్పదంగా మృతి చెందింది. మృతురాలు బంటుపల్లి వెంకటలక్ష్మి(25)గా పోలీసులు గుర్తించారు. కాకినాడ నుంచి వచ్చి కొంతకాలంగా విజయవాడలో వెంకటలక్ష్మి ఉంటున్నారు. అద్దెకు ఉంటున్న ఇంట్లో ఉరేసుకుని వెంకటలక్ష్మి మృతదేహం కనిపించింది. అయితే ఒంటిపై గాయాలు ఉండటంతో స్థానికులు హత్యగా భావిస్తున్నారు. పోలీసులు కేసు నమోదు చేసి దర్యాప్తు చేస్తున్నారు.
