అభివృద్ధి పనులు ప్రారంభించిన అనపర్తి శాసనసభ్యులు

అనపర్తి మండలం పులగుర్త గ్రామంలో 38 లక్షల రూపాయలతో నూతనంగా నిర్మాణం చేసిన ప్రాథమిక వ్యవసాయ సహకార పరపతి సంఘం కార్యాలయం, గోడౌన్ ను ప్రారంభించారు అనపర్తి శాసనసభ్యులు డాక్టర్ సత్తి సూర్యనారాయణ రెడ్డి. ఈ సందర్భంగా శాసనసభ్యులు వారు మాట్లాడుతూ రైతులకు మరిన్ని సేవలు అందించేందుకు వ్యవసాయ సహకార పరపతి సంఘాలను బలోపేతం చేస్తున్నామని అందులో భాగంగా నూతన కార్యాలయాలు మరియు గోడౌన్ లు నిర్మాణం జరుగుతోందని తెలియజేశారు. అదేవిధంగా సిబ్బంది అందరూ కూడా రైతులకు సకాలంలో సత్వర సేవలు అందించేలా చర్యలు తీసుకోవాలని ఆదేశించారు.