నారాయణ వనం: పద్మావతి అమ్మవారి ఊంజల్ సేవ

సత్యవేడు నియోజకవర్గం నారాయణవనంలోని పద్మావతి దేవి సమేత కళ్యాణ వెంకన్న ఆలయంలో శుక్రవారం పద్మావతి అమ్మవారి ఊంజల్ సేవ వైభవంగా జరిగింది. శ్రీ పద్మావతి అమ్మవారి ఉత్సవమూర్తి కి పంచ తీర్థాలతో అభిషేకాలు నిర్వహించారు. సుగంధ పరిమళ పుష్పాలతో, బంగారు ఆభరణాలతో సుందరంగా అలంకరించారు. వేద పండితులు అమ్మవారికి ధూప దీప నైవేద్యాలు కర్పూర హారతులిచ్చారు. భక్తులు పాల్గొని అమ్మవారిని దర్శించుకున్నారు.