రేపు రాంబొట్లపాలెంలో ఉచిత వైద్య శిబిరం

వాసిరెడ్డి సుబ్బారావు ఆసుపత్రి ఆధ్వర్యంలో ఈనెల 10వ తేదీ ఆదివారం చెరుకుపల్లి మండలం రాంబొట్లపాలెం గ్రామంలో ఉచిత వైద్య శిబిరం నిర్వహిస్తున్నట్లు డాక్టర్ వాసిరెడ్డి విశ్వక్సేన్ శనివారం తెలిపారు. ఉదయం 9 గంటల నుండి మధ్యాహ్నం 1 వరకు వైద్య శిబిరాన్ని నిర్వహిస్తామన్నారు. ఈ వైద్య శిబిరంలో అన్ని రకాల వ్యాధులను ఉచితంగా పరీక్షిస్తామని పరిసర ప్రాంత ప్రజలు ఈ అవకాశాన్ని సద్వినియోగం చేసుకోవాలని డాక్టర్ విశ్వక్సేన్ కోరారు.