కురబలకోట: పాము కాటేసి విద్యార్థికి అస్వస్థత

కురబలకోట మండలంలో పాము కాటేసి 9వ తరగతి చదువుతున్న విద్యార్థి తీవ్ర అస్వస్థతకు గురయ్యాడు. ముదివేడు గ్రామం ఎరుపువారిపల్లికి చెందిన విద్యార్థి మనోజ్ (13) మంగళవారం రాత్రి ట్యూషన్ కు వెళ్లి తిరిగి ఇంటికి వస్తుండగా దారిలో పాము కాలుపై కాటు వేసింది. తీవ్ర అస్వస్థతకు గురైన విద్యార్థిని మదనపల్లెలోని జిల్లా ఆసుపత్రికి తరలించారు. వైద్యులు విద్యార్థికి మెరుగైన సేవలు అందిస్తున్నారు.