ఉరవకొండ: జరుట్ల రామలింగేశ్వర స్వామి ఆలయంలో ప్రత్యేక పూజలు

వజ్రకరూరు మండల కేంద్రంలోని జరుట్ల రాంపురంలోని శ్రీదుర్గా సమేత రామలింగేశ్వర స్వామి ఆలయంలో కార్తీక సోమవారం సందర్భంగా స్వామివారి మూల విరాట్ కు విశేష పూజలు నిర్వహించారు. ఈ సందర్భంగా స్వామివారికి అభిషేకం, అర్చనలు తదితర పూజా క్రతువులను సంప్రదాయబద్దంగా చేపట్టారు. కార్తీక మాసం ప్రారంభమవడంతో స్వామివారిని దర్శించుకోవడానికి చుట్టుపక్కల ప్రాంతాల నుంచి భక్తులు తరలివచ్చారు. అర్చకులు భక్తులకు తీర్థప్రసాదాలు అందజేశారు.