విశాఖ నుంచి దసరాకు స్పెషల్‌ బస్సులు

దసరా ఉత్సవాల నేపథ్యంలో విశాఖ ఆర్టీసీ ప్రత్యేక బస్సులను నడపనుంది. ఈ నెల 4వ తేదీ నుంచి రాష్ట్ర వ్యాప్తంగా వివిధ ప్రాంతాలకు 320 బస్సులను నడపనున్నట్టు విశాఖ ఆర్టీసీ అధికారులు మంగళవారం వెల్లడించారు. పండగ స్పెషల్‌ బస్సులే అయినప్పటికీ సాధారణ చార్జీలే వసూలు చేస్తామన్నారు. అదనపు చార్జీలుండవన్నారు. ప్రయాణికులు ప్రత్యేక బస్సులను వినియోగించుకోవాలని కోరారు.