కోటవురట్ల: ఆకట్టుకున్న లేగదూడల ప్రదర్శన

కోటవురట్ల మండలం బీకే పల్లిలో పశుసంవర్ధక ఏడీ డాక్టర్ పీ. నరేశ్ ఆధ్వర్యంలో శుక్రవారం నిర్వహించిన లేగ దూడల ప్రదర్శన ఆకట్టుకుంది. ఈ కార్యక్రమంలో 42 లేగ దూడలను ప్రదర్శించారు. అలాగే 31 పశువులకు గర్భకోశ వ్యాధులకు చికిత్స చేసినట్లు డాక్టర్ నరేశ్ తెలిపారు. ఈ కార్యక్రమంలో జిల్లా పశుగణాభివృద్ధి సంస్థ అధికారి డాక్టర్ బెహర ప్రసాద్, స్థానిక సర్పంచ్ లింగ నాయుడు ముఖ్య అతిథులుగా పాల్గొన్నారు.