రాష్ట్రస్థాయి ఖో-ఖో పోటీలకు రంగశాయిపేట విద్యార్థిని భవాని

వరంగల్ రంగశాయిపేట ప్రభుత్వ ఉన్నత పాఠశాలలో 10వ తరగతి చదువుతున్న పనికల భవాని 68వ స్కూల్ గేమ్స్ ఫెడరేషన్ ఆఫ్ ఇండియా ఆధ్వర్యంలో నిర్వహించే రాష్ట్రస్థాయి అండర్-17 ఖో-ఖో పోటీలకు ఎంపికైందని ప్రధానోపాధ్యాయులు వి. రామకృష్ణారెడ్డి, ఫిజికల్ డైరెక్టర్ గోగు నారాయణ గురువారం తెలిపారు. ఈ నెల 8వ తేదీ నుంచి 10వ తేదీ వరకు ఖమ్మం జిల్లాలోని కల్లూరులో జరిగే రాష్ట్రస్థాయి ఖో-ఖో పోటీలలో పాల్గొంటుందని తెలిపారు.