తొర్రూరు: ఆటో డీసీఎం ఢీకొని ఒకరు మృతి

మహబూబాబాద్  జిల్లా తొర్రూరు శివారులోని ఎర్రసోమ్లా తండ వద్ద గురువారం రాత్రి ఆటోను డీసీఎం వాహనం ఢీకొట్టిన ఘటనలో ఒకరు అక్కడికక్కడే మృతి చెందగా మరొకరు తీవ్రంగా గాయపడ్డారు. స్థానికులు తెలిపిన ప్రకారం వర్ధన్నపేట కు చెందిన మహ్మద్ రహీమ్ (45) పెద్దవంగర మండలం చిన్నవంగర గ్రామంలో ఓ కార్యక్రమానికి హాజరై రాత్రి తిరిగి ఆటోలో వెళ్తుండగా ఎదురుగా వస్తున్న డీసీఎం ఢీకొట్టడంతో ప్రమాదం జరిగి, రహీమ్ దుర్మరణం చెందాడు. ఆటో డ్రైవర్ చంద్రశేఖర్ కు తీవ్ర గాయాలయ్యాయి.