కోహ్లీతో బ్యాటింగ్‌ చేయాలనుంది: ఆఫ్ఘన్ ప్లేయర్

ఐపీఎల్ మెగా వేలంలో ఆఫ్ఘనిస్తాన్ ప్లేయర్ నవీన్ ఉల్ హక్ తన పేరును నమోదు చేసుకున్నాడు. ఈ క్రమంలో ఒక వేళ ఆర్‌సీబీ తీసుకుంటే.. వెళ్తావా? లేదా? అనే ప్రశ్నలు ఆయనకు ఎదురయ్యాయి. కోహ్లీతో బ్యాటింగ్‌ లేదా బౌలింగ్‌ చేయాలనుందా? అనే ప్రశ్నకూ సమాధానం ఇచ్చాడు. ‘‘నేను కోహ్లీకి బౌలింగ్‌ చేశా. ఇక అతడితో కలిసి బ్యాటింగ్‌ చేయడాన్ని ఎంచుకుంటా’’ అని వెల్లడించాడు. కాగా, గతంలో వీరిద్దరి మధ్య జరిగిన వాగ్వాదం వివాదాస్పదంగా మారిన సంగతి తెలిసిందే.