బాలుడిపై దాడి చేసిన కోతులు

ఐదేళ్ల బాలుడిపై కోతుల గుంపు పట్టపగలు దాడి చేసిన షాకింగ్ సంఘటన ఉత్తరప్రదేశ్‌లోని మధురలో వెలుగు చూసింది. ఈ ఘటనకు సంబంధించిన వీడియో సోషల్ మీడియాలో చక్కర్లు కొడుతోంది. వైరల్ అవుతున్న వీడియోలో కోతులు తనపై దాడి చేస్తున్నప్పుడు ఆ బాలుడు తనను తాను రక్షించుకోవడానికి ప్రయత్నిస్తున్నట్లు చూడవచ్చు. ఘటనా స్థలంలో ఉన్న ప్రజలు వెంటనే స్పందించి ఆ చిన్నారి బాలుడిని కోతుల బారి నుంచి రక్షించేందుకు పరుగులు తీశారు.