ఆగి ఉన్న లారీని ఢీ కొట్టిన అంబులెన్స్.. డ్రైవర్ మృతి
మిర్యాలగూడ మండలం గూడూరు సమీపం వద్ద ఆగి ఉన్న లారీని అంబులెన్స్ ఢీకొట్టడంతో అంబులెన్స్ డ్రైవర్ రాకేష్ (24) మృతి చెందాడు. నెల్లూరులోని తన బంధువుల శుభకార్యానికి వెళ్లి కిడ్నీల సమస్యతో సునీత అనారోగ్యానికి గురికావడంతో అంబులెన్స్ ద్వారా హైదరాబాదుకు తరలిస్తుండగా శనివారం ప్రమాదం జరిగింది. కిడ్నీ పేషెంట్ సునీతతో పాటు వారి బంధువులకు కూడా గాయాలు కావడంతో వేరొక అంబులెన్స్‌లో హైదరాబాదుకు తరలించినట్లు పోలీసులు తెలిపారు.
