జైపూర్: గంజాయి విక్రయిస్తున్న నలుగురు అరెస్ట్

జైపూర్ మండలంలోని నర్వ గ్రామ శివారులో అక్రమంగా గంజాయి విక్రయిస్తున్న నలుగురిని గురువారం పోలీసులు అరెస్ట్ చేశారు. తమకు అందిన సమాచారం మేరకు పోతరాజుల ఆకాశ్, దూట రాజ్ కుమార్, షేక్ అఫ్రీది, తోట ప్రశాంత్ లను అదుపులోకి తీసుకొని విచారించగా, భద్రాద్రి జిల్లా నుంచి గంజాయి తెచ్చి అధిక ధరలకు అమ్ముతున్నట్లు తెలిపారు. వారి వద్ద నుంచి 1. 380 కిలోల గంజాయి, మూడు సెల్ ఫోన్లు స్వాధీనం చేసుకొని రిమాండ్ కు తరలించారు.