బెల్లంపల్లి: పోలీసు అమరవీరుల త్యాగాలు చిరస్మరణీయం

పోలీస్ అమరవీరుల వారోత్సవాల్లో భాగంగా బెల్లంపల్లి మండలంలోని కాశిరెడ్డిపల్లి గ్రామంలో మంగళవారం రాత్రి పలు అంశాలపై అవగాహన కార్యక్రమం నిర్వహించారు. ఈ సందర్భంగా సిఐ అఫ్జలుద్దిన్ మాట్లాడుతూ.. ప్రజల రక్షణకు విధి నిర్వహణలో అమరులైన పోలీసుల త్యాగాలు చిరస్మరణీయం అన్నారు. అనంతరం పోలీస్ కళాబృందంచే గ్రామస్తులకు డయల్100, సైబర్ క్రైమ్స్, షీ టీమ్స్, మహిళల రక్షణ, నూతన పోలీస్ చట్టాలపై అవగాహన కల్పించారు.