బెల్లంపల్లి: నెహ్రూ జీవితాన్ని ఆదర్శంగా తీసుకోవాలి: ఎంఈవో

ప్రతి ఒక విద్యార్థి నెహ్రూ జీవితాన్ని ఆదర్శంగా తీసుకొని ముందుకు వెళ్లాలని బెల్లంపల్లి ఎంఈఓ పోచయ్య అన్నారు. బాలల దినోత్సవం పురస్కరించుకొని గురువారం బెల్లంపల్లి పట్టణంలోని కృష్ణవేణి పాఠశాలలో నిర్వహించిన కార్యక్రమానికి ఆయన ముఖ్య అతిథిగా హాజరై మాట్లాడారు. జ్యోతి ప్రజ్వలన చేసిన అనంతరం నెహ్రూ చిత్రపటానికి పూలమాల వేసి నివాళులర్పించారు. విద్యార్థులు నూతన ఆవిష్కరణలు చేసే విధంగా ఆలోచించాలని సూచించారు.