బెల్లంపల్లి: రైళ్ల రద్దు.. ప్రయాణికులకు ఇక్కట్లు

పెద్దపల్లి జిల్లా రాఘవాపూర్ రైల్వే స్టేషన్ సమీపంలో గూడ్స్ రైలు పట్టాలు తప్పిన ఘటనతో పలు రైళ్లను అధికారులు బుధవారం రద్దు చేశారు. బెల్లంపల్లి మీదుగా కాగజ్ నగర్ వైపు వెళ్లే భాగ్యనగర్, సింగరేణి, రామగిరి ప్యాసింజర్, కాగజ్ నగర్ ఎక్స్ ప్రెస్, ఇంటర్ సిటీని రద్దు చేసినట్లు అధికారులు తెలిపారు. స్టేషన్ కు వచ్చిన ప్రయాణికులు రైళ్ల రద్దుతో ఇబ్బందులు పడ్డారు. ఆర్టీసీ బస్సులు, ప్రైవేట్ వాహనాలను ఆశ్రయించారు.