నారాయణపేట: కార్మికులకు కార్తీకమాసం వనభోజనాలు

కార్తీకమాసం పురస్కరించుకొని మంగళవారం నారాయణపేట ఆర్టీసీ కార్మికులు వనబోజనాలు కార్యక్రమం నిర్వహించారు. డిపో ఆవరణలో కార్మికులకు నిర్వహించిన క్రీడల్లో ఉత్సాహంగా పాల్గొన్నారు. గెలుపొందిన వారికి బహుమతులు అందజేశారు. అక్టోబర్ నెలలో ప్రతిభ కనబర్చిన కండక్టర్, డ్రైవర్లకు ప్రగతి చక్రం అవార్డులు అందించారు. డిపో మేనేజర్ లావణ్య మాట్లాడుతూ.. ప్రతి ఏడాది లాగే కార్తీకమాసంలో వనభోజనాలు నిర్వహించామని చెప్పారు.