నారాయణపేట: వాహనదారులకు రోడ్డు భద్రతా నియమాలపై అవగాహన

వాహనదారులు తప్పనిసరిగా రోడ్డు భద్రతా నియమాలు పాటించాలని ట్రాఫిక్ కానిస్టేబుల్ నరేష్, సంతోష్, ఆంజనేయులు అన్నారు. శనివారం నారాయణపేట పట్టణంలోని సత్యనారాయణ స్వామి చౌరస్తాలో వాహనదారులకు రోడ్డు భద్రతా నియమాలపై అవగాహన కల్పించారు. వాహనాలు నడిపే సమయంలో సీట్ బెల్ట్, హెల్మెట్ తప్పనిసరిగా ధరించాలని చెప్పారు. మద్యం సేవించి వాహనాలు నడపకూడదని సూచించారు. పిల్లలకు వాహనాలు ఇవ్వకూడదని అన్నారు.