భద్రాచలం: విద్యార్థులు గెలుపే లక్ష్యంగా ప్రయత్నించాలి

ఆటల పోటీల్లో గెలుపే లక్ష్యంగా పోరాడాలని భద్రాచలం ఎమ్మెల్యే తెల్లం వెంకట్రావు అన్నారు. స్థానిక ఐటీడీఏ ప్రాంగణంలో శుక్రవారం రాత్రి నిర్వహించిన విద్యార్థుల అభినందన కార్యక్రమంలో ఆయన మాట్లాడారు. ఈనెల 5, 6, 7 తేదీల్లో ఉట్నూర్లో జరిగిన రాష్ట్రస్థాయి గిరిజన క్రీడల్లో భద్రాచలం ఐటీడీఏ పరిధిలోని విద్యార్థులు ఓవరాల్ ఛాంపియన్ షిప్ ను కైవసం చేసుకున్నారు. వీరిని అభినందించిన వారిలో ఐటీడీఏ పీఓ రాహుల్ తదితరులు ఉన్నారు.