కోరుట్ల: గంజాయి తరలిస్తున్న ముగ్గురి అరెస్ట్

జగిత్యాల జిల్లా ఇబ్రహీంపట్నం మండలం బండాలింగాపూర్ క్రాస్ రోడు వద్ద మంగళవారం పోలీసులు వాహనాల తనిఖీలు చేపట్టి బైకుపై గంజాయి తరలిస్తుండగా ముగ్గురు యువకులను అదుపులోకి తీసుకున్నట్టు మెట్‌పల్లి సీఐ నిరంజన్ రెడ్డి తెలిపారు. నాందేడ్ నుండి గంజాయి తీసుకొచ్చి ఫ్యాకెట్ల ద్వారా సరఫరా చేస్తుంటారని వివరించారు. వీరిని అరెస్ట్ చేసి వీరి వద్ద నుండి 220 గ్రాముల గంజాయి, మూడు సెల్ ఫోన్లు, బైకు స్వాధీనం చేసుకున్నారు.