కొండగట్టులో వానరులకు పండ్ల వితరణ

లాక్ డౌన్ కారణంగా కొండగట్టులోని ఆంజనేయస్వామి దేవలయం మూసివేయటంతో అక్కడున్నటువంటి కోతులకు ఆహరం లేక అల్లడిపోతున్నాయి. కావున బుధవారం రామడుగు మండలం పందికుంటపల్లి గ్రామం నుండి సర్పంచ్ కటుకం రవీందర్ ఆధ్వర్యంలో 200 డజన్ల ఆరటిపండ్లు, 4 బస్తల బోల్ ప్యాలలు, 150 కొబ్బరికాయలు, 10 క్వింటాళ్ల బియ్యం, 20 కీలోల పుట్నాలు, 3 క్వింటాళ్లు టామాటలు, త్రాగునీరు, కొండగట్టులోని వానరులకు తీసుకోని వేళ్లటం జరిగింది.

కొండగట్టు గుట్ట మీద ఉన్నటువంటి బీదా పేద ప్రజలకు బియ్యం పంపిణీ చేయటం జరిగింది. ఈ కార్యక్రమం విజయవంతం చేయుటకు సహకరించిన యువతకి గ్రామ ప్రజలకు మరియు దాతలకు పేరు పేరున ప్రతి ఒక్కరికి సర్పంచ్ కటుకం రవీందర్ కృతజ్ఞతలు తెలియజేసారు. ఈ కార్యక్రమంలో ఉప సర్పంచ్, వార్డు సభ్యులు, గ్రామ యువత, గ్రామ ప్రజలు తదితరులు పాల్గొన్నారు.